ԲԱՑ ԴԱՍԵՐ

2017-2018ՈՒՍՏԱՐԻ

ՏՆՕՐԵՆԻ ՇՆՈՐՀԱՎՈՐԱԿԱՆ ՈՒՂԵՐՁԸ՝ ՎԵՐՋԻՆ ԴԱՍԻ ԿԱՊԱԿՑՈՒԹՅԱՄԲ
Սիրել՛ի աշակերտներ, հարգարժա՛ն ուսուցիչներ, ծնողնե՛ր, հյուրե՛ր…
Թույլ տվեք շնորհակալությունս հայտնել կազմակերպիչներին` գեղեցիկ և իսկապես հաջողված այս միջոցառման համար, ուսուցիչներին` իրենց տարիների աշխատանքի, ջանք ու եռանդի համար, ձեր իրոք անմացորդ նվիրումի: Շնորհակալություն երիցս:
Ողջունում եմ մեզ բոլորիս այս պատմական օրվա առիթով: Ամբողջ Հայաստանում մեկնարկել են վերջին դասի կամ (այսպես կոչված) վերջին զանգի ամենամյա միջոցառում-հանդիսությունները: Ամեն տարի այս օրը մտովի միշտ զուգորդվում են սեպտեմբերի 1-ն ու մայիսյան ավարտական օրերը: Մի դեպքում դպրոցն իր գիրկն է ընդունում տակավին մանկիկ սաների, մյուս դեպքում դեպի կյանք է ճանապարհում արդեն գրեթե հասուն և քիչ թե շատ ձևավորված պարմանիների ու պարմանուհիների: Երկրորդ դեպքում ուրախությունն անպայման ուղեկցվում է մի լուսավոր թախիծով, ապագայի, պայծառ ապագայի սպասումով ու ակնկալիքներով: Երբեմն շատ դժվար է հասկանալ, թե ինչ զգացողություններ են փոթորկում մարդու`ուսուցչի, ծնողի և հենց իրենց աշակերտ-աշակերտուհիների միտքն ու հոգին: Բայց համաձայնեք, որ բոլորս ենք լույսով, հավատով, սրտի թրթիռով ապրում այս մեկ օրը դպրոցի կամարների ներքո: Այս օրը այստեղ խաչվում են ներկան ու ապագան, ինչ-որ բանի ավարտն ու սկիզբը: Հավատացա՛ծ եմ` մեր երեխաները, որ տարիներ շարունակ դաստիարակվել են ազգային, պետական, հայրենասիրական ու մարդասիրական գաղափարներով, իրենց ունակությունները, իրենց տաղանդը ծառայեցնելու են միմիայն հանուն իրենց ընտանիքի ու հայրենիքի: Հավատացած եմ, որ նրանք լինելու են նվիրյա՛լ զավակ, անձնուրա՛ց զինվոր, օրինապա՛շտ քաղաքացի, հոգատար հայր կամ մայր, և պարզապես լուսավո՛ր անհատներ:
Սիրելի՛ աշակերտներ, ակնածանքով ու ձեր ապագայի արարման գիտակցումով եք սեպտեմբերին մուտք գործում դպրոց, նույն այդ արարման տենչով էլ ավարտեք դպրոցը: Արարեք միայն բարի՛ն, լա՛վը, վսե՛մը: Եղեք մեր պետության սյունը, տերն ու ծառան: Վստահե՛ք ձեր ուժերին, հավատացե՛ք ինքներդ ձեզ, քանզի հավատն է, որ կյանքը շարունակելու հույս և առաջ շարժվելու ուժ է տալիս մարդուն:
Մեր փոքրիկ հայրենիքն ինչպես անցյալում, այնպես էլ այսօր ու վաղը շրջապատված է լինելու թշնամիներով: Ինչպե՞ս կարող ենք մենք վայրիվերումներով լի այս դարում դիմագրավել գալիք արհավիրքները. իհա՛րկե մեր մարդկային կապիտալով, երիտասարդ ռեսուրսներով, մեր կրթված երիտասարդներով, այսօրվա մեր այս աշակերտներով. մեկը` տաղանդավոր նկարիչ, մեկը` օրինապահ ոստիկան, մեկը` լավ ծրագրավորող, մեկը` լավ շինարար…
Չեմ կարող չհիշել Հյուգոյին, դա ընդունենք իբրեև ասածիս ամփոփում և ի գիտություն.
Ժողովրդի մեծությունը չի չափվում թվաքանակով, ինչպես որ մարդու մեծությունը չի չափվում նրա հասակով, միակ չափանիշ է մտավոր զարգացումը և բարոյական մակարդակը:
Չեմ կարող չհիշել ռոմանտիկ Նժդեհի խոսքը.
Երկու բան պետք է լցնի մարդու հոգին հիացմունքով ու հարգանքով` աաստղալից երկինքը գլխի վերևում և բարոյական օրենքը սրտի մեջ:
Եթե այսքանը կհասկանաք և կդարձնեք ձեզ համար կենսաձև, ուրեմն ձեր կյանքի 9-ը տարին զուր չեք անցկացրել դպրոցում:
Բարին ընդ ձեզ, սիրելինե՛ րս…
Բարին բոլորի՛ս հետ…

2018թ. ապրիլի 20-ին  IXա դասարանում արդիական մեթոդների համադրմամբ, սլայդ ցուցադրմամբ հետաքրքիր օրինակելի դաս կազմակերպեց   «Աշխարհագրություն» ուսումնական առարկայի ուսուցիչ Ս.Քամալյանը «Հայկական լեռնաշխարհը» թեմայով:

09.04.2018թ.Հայաստանի Հանրապետության Կոտայքի մարզի <<Աբովյանի Ն.Վանյանի անվան N5 հիմնական դպրոց>>ՊՈԱԿ- ի <<Հայոց լեզու և գրականություն>> ուսումնական առարկայի ուսուցչուհի Քրիստինե Հայրապետյանը հեռավար դաս վարեց Արցախի Հանրապետության Մարտակերտի շրջանի Չափար գյուղի միջն.դպրոցի հետ:
Թեմաները՝ ա)Մուշեղ Գալշոյանի <<Կռունկ>>
բ)Միասին ,անջատ և գծիկով գրվող բառերը:
6ա դասարանի աշակերտները գրագետ խոսքով ներկայացրին Կոմիտասի մուտքը երաժշտական աշխարհ՝ խավարից դեպի լույս, անհայտից հայտնություն:Զարմանալի նուրբ ու խոր զգացողականությամբ շարադրեցին Կոմիտասի կատարելության հասնող կերպարը, բազմաբովանդակ , խոսուն երաժշտական աշխարհը:ՈՒնկնդրեցին <<Կռունկ>> երգը,որը հայի բառ ու խոսքին անծանոթ օտարուհուն պատմեց անպաշտպան մի ժողովրդի մասին, որը բողոք էր ընդդեմ անարդար, անտարբեր աշխարհի:

 

Կոտայքի մարզի Աբովյանի Ն․Վանյանի անվան N5 հիմնական դպրոցի <<Մաթեմատիկա>> ուսումնական առարկայի ուսուցիչ Ֆ․Բաղդասարյանը հեռավար դաս անցկացրեց Արցախի Հանրապետության Շահումյանի շրջանի Նոր Էրքեջ գյուղի միջնակարգ դպրոցի հետ: Դասի թեման էր Կոորդինատային հարթություն (7-րդ դասարան): Դասը սկսվեց համակարգչային ցուցադրությունով, բացատրվեց՝ որն է կոորդինատային հարթությունը, ով է այն առաջին անգամ առաջարկել, ինչպես կառուցել կետեր կոորդինատային հարթության վրա, որոնք են քառորդները և որն է պտտման դրական ուղղությունը: Ապահովվեց միջառարկայական կապ աշխարհագրության հետ, նշվեցին կոորդինատային հարթության կիրառման բնագավառներից մի քանիսը, առանձնացվեց քարտեզագրությունը:
Դասի տեխնիկական մասն ապահովեց համակարգչային օպերատոր Գ․Վարդանյանը:

Օրինակելի դաս <<Մայրենի>> առարկայից (2-րդ դասարան):
Թեման՝ <<Իմ հայրենիք>>: Թեմայի ամփոփում:
Ուսուցիչ՝ Լ․ Եպիսկոպոսյան

Օրինակելի դաս «Երաժշտություն» առարկայից:
Դասի թեման՝ «Պ.Չայկովսկի,Է.Գրիգ, Տ.Չուխաջյան»:
Թեմայի ամփոփում(Vբ դասարան)
Ուսուցիչ՝ Ա.Հովհաննիսյան

Օրինակելի դաս <<Մայրենի>> առարկայից (5-րդ դասարան)
Դասի թեման՝ Երկհնչյունների ուղղագրություն, ուղղախոսություն, հնչյունափոխություն:
Թեմայի ամփոփում:
Ուսուցիչ՝ Ք․Հայրապետյան

Հայրենասեր քաղաքացի դաստիարակելու համար սովորողներին պետք է ներկայացնել հայրենիքի հերոսական անցյալը, ներկա դժվարությունները, պետք է վառ պահել անցյալի ռազմահայրենասիրական ավանդները: Այդ նպատակով Աբովյանի Ն.Վանյանի անվան N 5 հիմնական դպրոցի 5ա դասարանի (դասղեկ Գ.Վարդանյան ) դասղեկի ժամը նվիրված էր ՀՀ և Արցախի հերոսներին: Աշակերտները տեղեկություններ էին հավաքել ՀՀ և Արցախի հերոսների մասին: Անուն առ անուն հիշեցին բոլորին, հնչեց հայրենասիրական երգ, սլայդ- ցուցադրության միցոցով հարուստ տեղեկություն ստացան: Վերջում դասղեկը նշեց, որ մեր երեխաները պետք է ժառանգեն այնպիսի հրաշալի ավանդույթներ, ինչպիսիք են անսահման սերն ու նվիրվածությունը հայրենիքին, ավագ սերունդների փառավոր գործերը շարունակելու ձգտում: Չպետք է մարի այն մարդկանց սուրբ հիշատակը, ովքեր իրենց կյանքը զոհաբերեցին հայրենիքի համար, միևնույն ժամանակ պետք է փառաբանել նրանց սխրանքները, ովքեր ողջ են և շարունակում են իրենց հայրենանվեր գործը:

 

Ռուսերենով ուսուցմամբ VI դասարանում <<Մաթեմատիկա>> ուսումնական առարկայի ուսուցիչ Ֆիրուզա Վլադիմիրի Բաղդասարյանը անցկացրել է տեսադաս՝ <<Պատահույթի հավանականությունը>> թեմայով: Ներկայացրեց պատահույթ,անհնար և հավաստի իրադարձությունները: Ցուցադրվեց թեմային առնչվող սլայդներ:

 

Հայաստանի Հանրապետության սփյուռքի նախարարությունը Հայաստան- Սփյուռք գործակցության պետական քաղաքականության շրջանակներում իրականացնում է <<Մեր մեծերը>> ծրագիրը, որի նպատակը նոր սերնդի մեջ հայրենասիրություն արմատավորելն ու հայապահպանությանը նպաստելն է ; Այս անգամ ծրագրում ընդգրկվել են Միքայել Արամյանցը, Վահրամ Փափազյանը, Հակոբ Պարոնյանը, Զապել Եսայանը, Հայաստանի Առաջին Հանրապետության հիմնադիրներն ու հերոսները; Այդ նպատակով դպրոցում 2018թ․ մարտի 1-ին կազմակերպվեց համընդհանուր դաս-միջոցառում ; Ի դեպ , դպրոցում <<Մեր մեծերը>> ծրագիրի շրջանակներում հաճախ կազմակերպվում են նաև ուսանելի դասղեկի ժամեր; Համընդհանուր դաս-միջոցառումը կազմակերպել էին հայոց լեզվի և գրականության ուսուցիչներ Ն․Մադոյանը, Ք․Հայրապետյանը, Ն․Հակոբյանը և պատմության ուսուցիչ Հ․Նազարյանը; Աշակերտները խնամքով պատրաստել և ներկայացրել էին թեմատիկ տեսանյութեր:

 

Բաց դաս <<Մայրենի>> առարկայից 5 բ դասարանում (ուսուցիչ` Ք.Հայրապետյան)
Թեման` Առակներ

2017թ. նոյեմբերի 23-ին և 24-ին Աբովյանի Ն,Վանյանի անվան N5 հիմնական դպրոցում IV ա և VI ա դասարաններում անցկացվեցին բաց դասեր ռուսաց լեզվից ( ուսուցիչներ Ն.Ավագյան, Ա. Հայրապետյան) :

 

Открытый урок в 3 РУССКОМ классе.
Учитель — САРКИСЯН А. Г.